സുസ്ഥിര സാമ്പത്തിക വളർച്ചയോടു കൂടിയതും സാമൂഹ്യ ഐക്യമുള്ളതും എല്ലാവർക്കും ഉയർന്ന ജീവിത മേന്മയോടുകൂടിയതുമായ ഒരു വിജ്ഞാന സമൂഹമായി കേരളത്തെ മാറ്റുക എന്നതാണ് സർക്കാരിന്റെ കാഴ്ചപ്പാട്. വിജ്ഞാന സമൂഹമായി കേരളത്തെ മാറ്റുന്ന പ്രക്രിയ ത്വരിതപ്പെടുത്താനുള്ള പ്രവർത്തനങ്ങളാണ് വകുപ്പ് കൈക്കൊള്ളുന്നത്.
രാജ്യത്തിന്റെ ജനാധിപത്യ പാരമ്പര്യം കണക്കിലെടുത്ത് ഈ മാറ്റത്തിനുള്ള പ്രക്രിയയിൽ സമൂഹത്തിലെ എല്ലാ വിഭാഗങ്ങളും ഉൾപ്പെടുത്തുകയാണ് സർക്കാർ ലക്ഷ്യം. കൂടാതെ സമൂഹത്തിലെ താഴെക്കിടയിലുള്ള വിഭാഗങ്ങളെ ഈ മാറ്റത്തിനുള്ള പ്രക്രിയയിൽ ഉൾപ്പെടുന്നു എന്നു ഉറപ്പു വരുത്താനുള്ള അനുകൂല നടപടികൾ സ്വീകരിക്കുകയും ചെയ്യുന്നു. മാറ്റത്തിനുള്ള ഈ പ്രക്രിയയിൽ ഡിജിറ്റൽ കാര്യങ്ങളിൽ പ്രമാണിത്തം കുറഞ്ഞവർ പാർശ്വവത്ക്കളരിക്കപ്പെടാതിരിക്കാൻ ഡിജിറ്റൽ കാര്യങ്ങളിൽ പ്രമാണിത്തം ഉള്ളവരുടെ സ്വമേധയാ ഉള്ള പങ്കാളിത്തം പ്രോത്സാഹിപ്പിക്കുന്ന നടപടികളും സർക്കാർ കൈക്കൊള്ളുന്നു.
സംസ്ഥാനത്തെ പൗരന്മാർക്കു നൽകുന്ന സേവനങ്ങളുടെ സുതാര്യതയും കാര്യക്ഷമതയും ഗുണവും ഉറപ്പു വരുത്താനായി സർക്കാർ വിവര വിനിമയ സാങ്കേതിക വിദ്യകൾ ( ICT) ഉപയോഗിക്കുന്നുണ്ട്. സംസ്ഥാന സമ്പദ് വ്യവസ്ഥയിലെ കാർഷിക- വ്യവസായം-സേവന മേഖലകളെ ശക്തമാക്കുന്നതിനും പുത്തനുണർവ് നൽകുന്നതിനും ശരിയായ വിവര വിനിമയ സങ്കേതങ്ങളുടെ പ്രയോഗവും സർക്കാർ പ്രോത്സാഹിപ്പിക്കുന്നു. സർക്കാർ എല്ലാ മേഖലകളിലെയും വിവര വിനിമയ സങ്കേതങ്ങളുടെ ഉപയോഗത്തിലൂടെ ജനങ്ങളുടെ ജീവിത നിലവാരം മെച്ചപ്പെടുത്താനും ഉത്പാദനക്ഷമതയും കാര്യക്ഷമതയും ഉയർത്തുന്നതിനും വിഭവങ്ങളുടെ ഉപയോഗം പാരമ്യത്തിലെത്തിക്കുന്നതിനും വിവരവിനിമയ സാങ്കേതികവിദ്യാ മേഖലയിൽ തൊഴിൽ സാധ്യതകൾ വർദ്ധിപ്പിക്കാനും ശ്രമിക്കും. സംസ്ഥാനത്ത് എല്ലാ വിഭാഗം ജനങ്ങൾക്കും വിവരവിനിമയ സാങ്കേതിക വിദ്യകൾ എത്തിക്കുക, വേഗതയേറിയ വിവരവിനിമയ സൗകര്യങ്ങൾ വികസിപ്പിക്കുക, വിവര സാങ്കേതികവിദ്യാ വ്യവസായത്തിനുള്ള അടിസ്ഥാന സൗകര്യങ്ങൾ ഒരുക്കുക അതിനുവേണ്ട മനുഷ്യ ശേഷി വികസിപ്പിക്കുക എന്നിവയ്ക്ക് ഉപരിയായി വിവരവിനിമയ സാങ്കേതിക വിദ്യകളുടെ ത്വരിത വളർച്ചയ്ക്കും സ്വീകാര്യതക്കും വേണ്ടി സർക്കാർ എല്ലാ ശ്രമങ്ങളും നടത്തും. സാമ്പത്തിക ഇടപാടുകൾ വർദ്ധിപ്പിക്കുന്നതിനും ICT - ITES, വിജ്ഞാനാധിഷ്ഠിത വ്യവസായ മേഖലകളിലും മൂലധന നിക്ഷേപങ്ങൾ വർദ്ധിപ്പിക്കുന്നതിനും അനുകൂല കാലാവസ്ഥ സംസ്ഥാനത്ത് സൃഷ്ടിക്കുന്നതിന് സർക്കാർ ശ്രമിക്കുന്നുണ്ട്. അങ്ങനെ ചെയ്യുന്നതിലൂടെ സ്ഥിരം തൊഴിലുകൾ , വിദേശ നിക്ഷേപങ്ങൾ, ദീർഘകാല മൂലധന നിക്ഷേപങ്ങൾ തുടങ്ങി ഈ പുതിയ മേഖലകളുടെ സാധ്യതകൾ പരമാവധി ചൂഷണം ചെയ്യുന്നതിന് സഹായകമാവും എന്ന് സംസ്ഥാനം പ്രതീക്ഷിക്കുന്നു.
വിജ്ഞാനാധിഷ്ഠിതമായ വ്യവസായങ്ങൾക്കുവേണ്ട ഉയർന്ന നൈപുണ്യമുള്ള മനുഷ്യശക്തി കളിയാടുന്ന സ്ഥലമായി സർക്കാർ കേരളത്തെ മാറ്റും. ശരിയായ ഒരു സമത്വ വിജ്ഞാന സമൂഹം കെട്ടിപ്പടുക്കുന്നതിന് സ്വതന്ത്ര സോഫ്റ്റ് വെയർ നല്കുന്നത് ഒരു വ്യത്യസ്തമായ അവസരമാണെന്ന് സർക്കാർ മനസ്സിലാക്കുന്നു. സ്വതന്ത്ര സോഫ്റ്റ് വെയറുകൾ വികസിപ്പിക്കുന്നതിനും വിവര വിനിമയ സാങ്കേതിക വിദ്യാ സംരഭങ്ങളിൽ അതിന്റെ ഉപയോഗം പ്രോത്സാഹിപ്പിക്കുന്നതിനും നിർബന്ധമാക്കുന്നതിനും സർക്കാർ എല്ലാ ശ്രമങ്ങളും നടത്തുന്നുണ്ട്.