ആമുഖം
ജലസമൃദ്ധമായ കേരളത്തിൽ റോഡ് മുഖേനയുള്ളെ ഗതാഗത സൗകര്യങ്ങൾ വികസിക്കുന്നതിന് മുൻപ് യാത്രയ്ക്കും, ചരക്ക് നീക്കത്തിനും ഉൾനാടൻ ജലപാതകൾ പ്രയോജനപ്പെടുത്തിയിരുന്നു. ഗതാഗത മേഖലയിൽ ജീവനാഡികളായി പ്രവർത്തിച്ചുവരുന്ന പല ജലപാതകളും കാലാന്തരത്തിൽ പലവിധ കാരണങ്ങളാൽ വീതി കുറയുകയും, അവയിലേക്ക് പുറന്തള്ളുന്ന നഗരമാലിന്യങ്ങൾ കാരണം ഒഴുക്ക് നിലച്ചു അഴുക്കു ചാലുകളായി മാറുകയും ചെയ്തിരുന്നു. മലിനീകരണം പരമാവധി കുറച്ച്‌ കുറഞ്ഞ ചിലവിൽ വൻ തോതിലുള്ള ചരക്കുനീക്കത്തിന് സഹായിക്കുന്ന ജലഗതാഗതത്തിന്റെ സാദ്ധ്യതകൾ പൂർണമായും പ്രയോജനപ്പെടുത്തുന്നതിനുമായി, സംസ്ഥാനത്തെ ജലപാതകൾ പുനരുജ്ജീവിപ്പിച്ചുകൊണ്ടു, ഉൾനാടൻ ജലപാതകളും, അനുബന്ധ കനാലുകളും, ജലപാത നിലവാരത്തിൽ വികസിപ്പിക്കുകയും, പരിപാലിക്കുകയും എന്ന ലക്ഷ്യത്തോടെയാണ് കോസ്റ്റൽ ഷിപ്പിംഗ് ആൻഡ് ഇന്ലാന്ഡ് നാവിഗേഷൻ വകുപ്പ് പ്രവർത്തിക്കുന്നത്. കോവളം മുതൽ ബേക്കൽ വരെയുള്ള വെസ്റ്റ് കോസ്റ്റ് കനാല് വികസനം, ഉൾനാടൻ ജലപാത വികസനം, ഫീഡർ കനാലുകളുടെ വികസനം എന്നിവയാണ് വകുപ്പിന്റെ പ്രധാന ചുമതലകൾ.
വകുപ്പിന്റെ ഭരണാധികാരി മുഖ്യമന്ത്രിയും, വകുപ്പ് മേധാവി ഗവണ്മെന്റ് സെക്രട്ടറിയുമാണ്.