കേരള വനിതാ കമ്മിഷൻ മലയാളം അച്ചടി മാധ്യമം മികച്ച റിപ്പോർട്ട്, മികച്ച ഫീച്ചർ, വിഷ്വൽ മീഡിയ മലയാളം മികച്ച റിപ്പോർട്ട്, മികച്ച ഫീച്ചർ, മികച്ച ഫോട്ടോഗ്രഫി, മികച്ച വീഡിയോഗ്രഫി എന്നിങ്ങനെ ആറ് വിഭാഗങ്ങളിലുള്ള 2023-ലെ മാധ്യമ പുരസ്കാരത്തിന് എൻട്രികൾ ക്ഷണിച്ചു. വ്യത്യസ്തമേഖലകളിലെ സ്ത്രീകളുടെ നേട്ടങ്ങള്, സ്ത്രീകള് നേരിടുന്ന പ്രശ്നങ്ങള്, തുടങ്ങി സ്ത്രീകളുമായി ബന്ധപ്പെട്ട വാര്ത്തകളും വീഡിയോകളും ഫോട്ടോകളുമാണ് പുരസ്കാര നിര്ണയത്തിനായി പരിഗണിക്കുക. പുരസ്കാര ജേതാക്കള്ക്ക് 20,000 രൂപ സമ്മാനത്തുകയും പ്രശസ്തിപത്രവും നല്കും.
2023 ജനുവരി 1 മുതല് ഡിസംബര് 31-ന് അകം പ്രസിദ്ധീകരിച്ച വാര്ത്ത/ഫീച്ചര്, അത് പ്രസിദ്ധീകരിച്ച പത്രത്തിന്റെ ഒരു മുഴുവന് പേജും വാര്ത്തയുടെ നാല് പകര്പ്പുകളും, ടെലിവിഷന് വാര്ത്ത/പരിപാടിയുടെ മുഴുവന് വീഡിയോയും, പ്രസ്തുത വാര്ത്തയുടെ മാത്രവും എംപി4 ഫോര്മാറ്റ് അടങ്ങിയ നാല് സിഡികള്, ഫോട്ടോ അച്ചടിച്ചുവന്ന പത്രത്തിന്റെ ഒരു മുഴുവന് പേജും ഫോട്ടോയുടെ നാല് പകര്പ്പുകളും ന്യൂസ് എഡിറ്റര്/റസിഡന്റ് എഡിറ്റര്/എക്സിക്യട്ടീവ് എഡിറ്റര്/ചീഫ് എഡിറ്ററിന്റെ സാക്ഷ്യപത്രത്തോടൊപ്പം ഫെബ്രുവരി 5ന് അകം ലഭിക്കത്തക്കവിധം മെമ്പര് സെക്രട്ടറി, കേരള വനിതാ കമ്മിഷന്, പട്ടം പാലസ് പി.ഒ., തിരുവനന്തപുരം-695004 എന്ന വിലാസത്തില് അയയ്ക്കണം. വിവരങ്ങൾക്ക് : 0471-2300509
അവസാനമായി അപ്ഡേറ്റ് ചെയ്തത് :22-01-2024