2025 ലെ കേരള സംസ്ഥാന ചലച്ചിത്ര അവാർഡിന് എൻട്രികൾ ക്ഷണിച്ചു. 2025 ജനുവരി ഒന്നു മുതൽ ഡിസംബർ 31 വരെ സെൻസർ ചെയ്‌ത കഥാചിത്രങ്ങൾ, കുട്ടികൾക്കുള്ള ചിത്രങ്ങൾ, 2025-ൽ പ്രസാധനം ചെയ്‌ത ചലച്ചിത്ര സംബന്ധിയായ പുസ്തകങ്ങൾ, ആനുകാലികങ്ങളിൽ പ്രസിദ്ധീകരിച്ച ചലച്ചിത്ര സംബന്ധിയായ ലേഖനങ്ങൾ എന്നിവയാണ് അവാർഡിനായി പരിഗണിക്കുക. കഥാചിത്രങ്ങൾ DCP Lanencrypted/ Blu-ray Disc ആയി സമർപ്പിക്കണം. 

www.keralafilm.com ൽ നിന്നും അപേക്ഷാഫോറവും നിയമാവലിയും ഡൗൺലോഡ് ചെയ്യാം. അക്കാദമിയുടെ സിറ്റി ഓഫീസിൽ നിന്ന് നേരിട്ടും അപേക്ഷാഫോറം ലഭിക്കുന്നതാണ്. അപേക്ഷകൾ തപാലിൽ ലഭിക്കാൻ, 25/- രൂപ സ്റ്റാമ്പ് പതിച്ച് മേൽവിലാസമെഴുതിയ കവർ സഹിതം സെക്രട്ടറി, കേരള സംസ്ഥാന ചലച്ചിത്ര അക്കാദമി സത്യൻ സ്‌മാരകം, കിൻഫ്ര ഫിലിം & വീഡിയോ പാർക്ക്, സൈനിക് സ്‌കൂൾ 1.0, കഴക്കൂട്ടം, തിരുവനന്തപുരം-695585 എന്ന വിലാസത്തിൽ അയക്കണം. അപേക്ഷകൾ 2026 ഫെബ്രുവരി 16, വൈകുന്നേരം 5 ന്  മുൻപായി അക്കാദമി ഓഫീസിൽ ലഭ്യമാക്കണം.

അവസാനമായി അപ്ഡേറ്റ് ചെയ്തത് :16-01-2026