കേരള സംസ്ഥാന പരിവർത്തിത ക്രൈസ്തവ ശുപാർശിത വിഭാഗ വികസന കോർപ്പറേഷനിൽ നിന്നും വിവിധ ആവശ്യങ്ങൾക്കായി വായ്പയെടുത്ത് കുടിശ്ശിക വരുത്തിയിട്ടുള്ള ഗുണഭോക്താക്കൾക്കായി പ്രത്യേക കുടിശ്ശിക നിവാരണ യജ്ഞം പ്രഖ്യാപിച്ചു. 2026 ജനുവരി ഒന്ന് മുതൽ മാർച്ച് 31 വരെയാണ് പദ്ധതി നടപ്പിലാക്കുന്നത്. ഈ കാലയളവിനുള്ളിൽ വായ്പ കുടിശ്ശിക ഒറ്റത്തവണയായോ തവണകളായോ അടച്ചുതീർക്കുന്ന ഗുണഭോക്താക്കൾക്ക് പിഴപ്പലിശ, സർവ്വീസ് ചാർജ്, നോട്ടീസ് ചാർജ്ജ് എന്നിവ പൂർണമായും ഒഴിവാക്കി നൽകും.
ഇതോടൊപ്പം തന്നെ വായ്പാ കുടിശ്ശിക പുനഃക്രമീകരിക്കുന്നതിനായി 'നവജീവൻ' പദ്ധതിയുടെ രണ്ടാം ഘട്ടവും മാർച്ച് 31 വരെ നടപ്പിലാക്കുന്നുണ്ട്. 2022 മാർച്ച് 31-ന് മുൻപായി വായ്പയെടുത്തിട്ടുള്ളതും നിലവിൽ വായ്പയിന്മേൽ കുടിശ്ശികയുള്ളതുമായ ഗുണഭോക്താക്കൾക്കാണ് ഈ പദ്ധതിയുടെ ആനുകൂല്യം ലഭിക്കുക. കൂടുതൽ വിവരങ്ങൾക്ക് അതാത് റീജിയണൽ / സബ് ഓഫീസുകളുമായി ബന്ധപ്പെടാവുന്നതാണ്.
ഫോൺ: കോട്ടയം – 0481 2564304, 9400309740, തിരുവനന്തപുരം – 0471 2316472, 9188952328, കോഴിക്കോട് – 0495 2367331, 9188952327, സബ് ഓഫീസ് മാവേലിക്കര – 0479 2340300, 8304980078, സബ് ഓഫീസ് തൃശൂർ - 0487 2991323.
അവസാനമായി അപ്ഡേറ്റ് ചെയ്തത് :01-01-2026