പൊതുമേഖല വ്യവസായ സ്ഥാപനങ്ങളെ ആസ്പദമാക്കിയുള്ള മികച്ച മാധ്യമ റിപ്പോർട്ടിനുള്ള അവാർഡിന് സംസ്ഥാന വ്യവസായ-വാണിജ്യ വകുപ്പ് എൻട്രികൾ ക്ഷണിച്ചു. ഒന്നാം സ്ഥാനം 50,000 രൂപയും ശില്പവും പ്രശസ്തിപത്രവും, രണ്ടാം സ്ഥാനം 25,000 രൂപയും ശില്പവും പ്രശസ്തി പത്രവും ലഭിക്കും.
2023 ഏപ്രിൽ മുതൽ 2025 മാർച്ച് വരെയുള്ള കാലയളവിൽ കേരളത്തിൽ നിന്നും പ്രസിദ്ധീകരിച്ച ഇംഗ്ലീഷ്-മലയാളം പത്രങ്ങളിലെ റിപ്പോർട്ടുകളും (Print Media Reporting), കേരളത്തിലെ വിവിധ ദൃശ്യ മാധ്യമങ്ങളിൽ രണ്ടു മിനിറ്റിൽ കുറയാതെ സംപ്രേക്ഷണം ചെയ്തിട്ടുള്ള റിപ്പോർട്ടുകളും (Visual Media Reporting) അവാർഡിന് പരിഗണിക്കും.
സംസ്ഥാനത്തിന്റെ വ്യവസായ വളർച്ചയെയും നേട്ടങ്ങളെയും സംബന്ധിച്ച ഏതു സ്വഭാവത്തിലെ റിപ്പോർട്ടുകളും അയയ്ക്കാം. എൻട്രിയുടെ 3 കോപ്പികൾ ബയോഡേറ്റ, പത്രത്തിന്റെ ഒറിജിനൽ എന്നിവ ഉൾപ്പടെ അയയ്ക്കണം. ദൃശ്യമാധ്യമ അവാർഡിനുള്ള എൻട്രികൾ പെൻ ഡ്രൈവിൽ ലഭ്യമാക്കേണ്ടതാണ്. മാധ്യമ പ്രവർത്തകർക്കോ സ്ഥാപനങ്ങൾക്കോ എൻട്രികൾ അയയ്ക്കാം.
സെക്രട്ടറി, കേരള മീഡിയ അക്കാദമി, കാക്കനാട് കൊച്ചി - 30 എന്ന വിലാസത്തിൽ എൻട്രികൾ 05.08.2025 നകം ലഭിക്കണം. വിവരങ്ങൾക്ക് 0484-2422275 എന്ന ഫോൺ നമ്പറിലോ secretarykma.gov@gmail.com എന്ന ഇ-മെയിൽ ഐഡിയിലോ ബന്ധപ്പെടാം. www.keralamediaacademy.org
അവസാനമായി അപ്ഡേറ്റ് ചെയ്തത് :17-07-2025