കേരള സർക്കിളിൽ നിന്ന് വിരമിച്ച ടെലികോം / ബി.എസ്.എൻ.എൽ ജീവനക്കാർക്ക് കൺട്രോളർ ഓഫ് കമ്മ്യൂണിക്കേഷൻ അക്കൗണ്ട്‌സ്, കേരള സർക്കിൾ, പെൻഷൻ അദാലത്ത് സംഘടിപ്പിക്കുന്നു. മാർച്ച് 17ന് രാവിലെ 10.30ന് കൊല്ലം ബി.എസ്.എൻ.എൽ ഭവൻ കോൺഫറൻസ് ഹാളിൽ അദാലത്ത് നടക്കും.
വെള്ളപേപ്പറിൽ തയ്യാറാക്കിയ പരാതികൾ ഫെബ്രുവരി 24ന് വൈകിട്ട് 5 ന് മുമ്പായി തിരുവനന്തപുരം ടെലികമ്മ്യൂണിക്കേഷൻ ഓഫീസിൽ എത്തിക്കണം. പരാതിയിൽ പെൻഷൻകാരന്റെ/ പെൻഷൻകാരിയുടെ പേര്, തസ്തിക, കുടുംബ പെൻഷൻകാരന്റെ/ പെൻഷൻകാരിയുടെ പേര്, ഫോൺ നമ്പർ, ഇ-മെയിൽ ഐ.ഡി, പി.പി.ഒ നമ്പർ, സർവീസിൽ നിന്ന് വിരമിച്ച തീയതി, എസ്.എസ്.എ യുടെ പേര്, പരാതിയുടെ സംക്ഷിപ്ത രൂപം എന്നിവ വ്യക്തിമായി രേഖപ്പെടുത്തണം.
വിലാസം: സീനിയർ അക്കൗണ്ട്‌സ് ഓഫീസർ (പെൻഷൻ) ടെലികമ്മ്യൂണിക്കേഷൻ വകുപ്പ്, കേരള സർക്കിൾ അഞ്ചാം നില, ദൂർ സഞ്ചാർ ഭവൻ, പി.എം.ജി ജംഗ്ഷൻ, തിരുവനന്തപുരം- 695033. ഇ-മെയിൽ: ccakrlpensionadalat@gmail.com.
അവസാനമായി അപ്ഡേറ്റ് ചെയ്തത് :25-01-2025