കാർഷിക മേഖലയിൽ ചെലവ് കുറഞ്ഞ രീതിയിൽ സൂക്ഷ്മ ജലസേചനം നടപ്പിലാക്കുന്ന പി.ഡി.എം.സി. (പെർ ഡ്രോപ്പ് മോർ ക്രോപ്പ്) സംവിധാനം സ്ഥാപിക്കുന്നതിന് അപേക്ഷ ക്ഷണിച്ചു. ജലം കുറഞ്ഞ അളവിൽ കൃത്യമായ ഇടവേളയിൽ വിളകളുടെ വേരിനു സമീപം എത്തിക്കുന്നതിലൂടെ ജലസേചന കാര്യക്ഷമത വർദ്ധിപ്പിക്കുകയും ജലം പാഴാക്കുന്നത് കുറയുകയും കള നിയന്ത്രണം സാധ്യമാക്കുകയും ചെയ്യുന്നു.   വിളകൾ തമ്മിലുള്ള അകലവും സ്ഥല വിസ്തൃതിയും കണക്കിലെടുത്തു സർക്കാർ നിശ്ചിത ആനുകൂല്യം ലഭിക്കുന്നതിന് അർഹരായ കർഷകർക്ക് അപേക്ഷിക്കാം. അപേക്ഷകന്റെ ഫോട്ടോ, ആധാർ കാർഡിന്റെ കോപ്പി, തൻ വർഷ കരമടച്ച രസീത്, ബാങ്ക് പാസ്സ്ബുക്കിന്റെ കോപ്പി, കൃഷി ഓഫീസറുടെ സാക്ഷ്യപത്രം മുതലായ രേഖകളോടൊപ്പം അപേക്ഷ ഫോം പൂരിപ്പിച്ച് അതാത് ജില്ലയിലെ കൃഷി അസിസ്റ്റന്റ് എക്‌സിക്യൂട്ടീവ് എഞ്ചിനീയർ ഓഫീസിൽ എത്തിക്കാവുന്നതാണ്. വിവരങ്ങൾക്ക്: 9400988557, 8075892092, 7025454574.

അവസാനമായി അപ്ഡേറ്റ് ചെയ്തത് :17-01-2025