കേരളത്തിലെ തീരദേശവാസികളുടെ കലകൾ അവതരിപ്പിക്കുന്നതിന് സാംസ്‌കാരിക വകുപ്പും ഭാരത് ഭവനും സംയുക്തമായി സംഘടിപ്പിക്കുന്ന കടൽമിഴി തീരദേശ സർഗ്ഗയാത്ര പരിപാടിയിൽ അപേക്ഷ ക്ഷണിച്ചു. പരമ്പരാഗത കലാരൂപങ്ങളായ അണ്ണാവിപ്പാട്ട്, പുത്തൻപാന, അമ്മാനപ്പാട്ട്, ദേവസ്തവിളി, പരിചമുട്ടുകളി, മാർഗ്ഗംകളി, ശ്ലാമകരോൾ, ചവിട്ടുനാടകം, പിച്ചപാട്ട്, കടൽവഞ്ചിപ്പാട്ടുകൾ, മീൻപാട്ടുകൾ തുടങ്ങിയ  കലാരൂപങ്ങൾ അറിയാവുന്നവർക്ക് മുൻഗണന. സ്കൂ‌ൾ കോളേജ് പഠനവേളയിൽ ജില്ലാ തലത്തിൽ ഒന്നും രണ്ടും സ്ഥാനം നേടിയ കേരളീയ രംഗകലകളിൽ ശ്രദ്ധേയരായ തീരദേശ കലാകാരന്മാർക്കും അപേക്ഷിക്കാം. പ്രായപരിധി ഇല്ല. അപേക്ഷകൾ ഡിസംബർ 31-നകം ഭാരത് ഭവൻ, തൃപ്തി ബംഗ്ലാവ്, തൈക്കാട്, തിരുവനന്തപുരം-14 എന്ന വിലാസത്തിൽ നേരിട്ടോ, kadalculture@gmail.com എന്ന ഇമെയിൽ വിലാസത്തിലോ സമർപ്പിക്കണം.  വിവരങ്ങൾക്ക് 0471 4000282.        

അവസാനമായി അപ്ഡേറ്റ് ചെയ്തത് :19-12-2024