കണ്ണൂർ ജില്ലാ  ടൂറിസം പ്രൊമോഷൻ കൗൺസിലിന്റെ ആഭിമുഖ്യത്തിൽ  ദേശീയ കയാക്കിങ് ചാമ്പ്യൻഷിപ്പ് കണ്ണൂര്‍ കയാക്കത്തോൺ 2024 നവംബർ  24ന് നടക്കും. പറശ്ശിനിക്കടവ് ബോട്ട് ടെർമിനലിൽ നിന്നും നവംബർ 24ന് രാവിലെ 7 മണിക്ക് ആരംഭിക്കുന്ന കയാക്കിങ്ങ് മൊത്തം 11 കിലോ മീറ്റർ ദൂരമാണ് ഉണ്ടാവുക. സിംഗിൾ കയാക്കുകളും, ഡബിൾ കയാക്കുകളും മത്സരത്തിലുണ്ടാകും. സിംഗിൾ കയാക്കിൽ സ്ത്രീകൾക്കും പുരുഷന്മാർക്കും പ്രത്യേകമായി  മൽസരം ഉണ്ടാകും. ഡബിൾ കയാക്കുകളിൽ പുരുഷന്മാർ മാത്രം അടങ്ങിയ ടീം , സ്ത്രീകൾ മാത്രം അടങ്ങിയ ടീം , സ്ത്രീകളും പുരുഷന്മാരും അടങ്ങിയ ടീം എന്നിങ്ങനെ മൂന്ന് കാറ്റഗറികളിലായി  പ്രത്യേകം മല്‍സരം സംഘടിപ്പിക്കും . രജിസ്‌ട്രേഷൻ ഫീസ് സിംഗിൾ കയാക്ക്  500 രൂപയും ഡബിൾ കയാക്ക് 1000 രൂപയുമാണ്. വിവരങ്ങൾക്ക് 8590855255 എന്ന നമ്പറിലോ ഡിടിപിസി ഓഫീസിലോ ബന്ധപ്പെടാം. രജിസ്ട്രേഷൻ ലിങ്ക്: https://events.dtpckannur.com/

അവസാനമായി അപ്ഡേറ്റ് ചെയ്തത് :14-10-2024