കായികമേഖലയിലെ അടിസ്ഥാന സൗകര്യ വികസനത്തിലൂടെ ഒരു സമഗ്ര മുന്നേറ്റത്തിനാണ് സർക്കാർ തുടക്കം കുറിച്ചത്. ഈ സർക്കാർ അധികാരത്തിലെത്തി നാളിതുവരെ 3500 കോടി രൂപയുടെ അടിസ്ഥാന സൗകര്യവികസന പ്രവർത്തനങ്ങളാണ് കായികരംഗത്ത് നടപ്പാക്കി വരുന്നത്.
വയനാട് ജില്ലാ സ്റ്റേഡിയം പൂർത്തിയായി. 10 ജില്ലകളിൽ ജില്ലാ സ്റ്റേഡിയം നിർമാണം പുരോഗമിക്കുന്നു. നിർമ്മാണം പൂർത്തികരിച്ചതും പ്രവൃത്തി പുരോഗമിക്കുന്നതുമായ ഏകദേശം 354 ഓളം സ്റ്റേഡിയങ്ങളും ഗ്രൗണ്ടുകളുമുണ്ട്. 24 കായികസമുച്ചയങ്ങൾ പൂർത്തിയായി. ജി.വി രാജ സ്പോർട്സ് സ്കൂളിൽ 30 കോടി രൂപയുടെയും കണ്ണൂർ, കുന്നംകുളം സ്പോർട്സ് ഡിവിഷനുകളിൽ 10 കോടിയുടെ വീതവും നിർമ്മാണപ്രവർത്തനങ്ങൾ നടപ്പാക്കി. 10 കോടിയോളം ചെലവുവരുന്ന മൂന്ന് പുതിയ ഹോസ്റ്റലുകളുടെ നിർമ്മാണം പുരോഗമിക്കുന്നു. ജി വി രാജയിലും തൃശൂരും സിന്തറ്റിക് ട്രാക്ക് നിർമ്മിച്ചു. തിരുവനന്തപുരം വാൻറോസ് ജംങ്ഷനിൽ കായികഭവൻ ആസ്ഥാന മന്ദിരത്തിന്റെ നിർമ്മാണം പുരോഗമിക്കുന്നു. കായിക മേഖലയുടെ അടിസ്ഥാനസൗകര്യ വികസത്തിനും കളിക്കളങ്ങളുടെയും സ്റ്റേഡിയങ്ങളുടെയും പരിപാലനത്തിനും വേണ്ടി സ്പോർട്സ് കേരള ഫൗണ്ടേഷൻ രൂപീകരിച്ചു.
നഗരങ്ങളിലും ഗ്രാമങ്ങളിലും സ്റ്റേഡിയം, ഇൻഡോർ സ്റ്റേഡിയം, ഫുട്ബോൾ ടർഫ്, സിന്തറ്റിക് ട്രാക്ക്, സ്വിമ്മിങ്ങ്പൂൾ, ഫിറ്റ്നസ് സെന്റർ, ഓപ്പൺ ജിം തുടങ്ങിയവ നിർമിക്കുന്നു. വലുതും ചെറുതുമായ നാനൂറോളം പ്രവൃത്തികൾ പല ഘട്ടങ്ങളിലായി പുരോഗമിക്കുന്നു. കായിക സാക്ഷരതപ്രായഭേദമെന്യേ എല്ലാവർക്കും പ്രയോജനപ്പെടുത്താവുന്ന തരത്തിൽ വിവിധ ജില്ലകളിലായി 18 ഫിറ്റ്നസ് സെന്ററുകൾ സജ്ജമായി. തദ്ദേശ സ്ഥാപനതല സ്പോർട്സ് കൗൺസിൽ രൂപീകരണം കായിക വകുപ്പിന്റെ ഏറ്റവും ശ്രദ്ധേയമായ ചുവടുവെയ്പ്പായി. കോർപ്പറേഷൻ, മുൻസിപ്പൽ, പഞ്ചായത്ത് തലത്തിൽ സ്പോർട്സ് കൗൺസിൽ നിലവിൽ വന്നു.
അഞ്ച്ലക്ഷം കുട്ടികൾക്ക് ഫുട്ബോൾ പരിശീലനം നൽകുന്ന ഗോൾ പദ്ധതിയ്ക്ക് തുടക്കമായി. ആദ്യഘട്ടത്തിൽ 1000 കേന്ദ്രങ്ങളിലായി ഒരു ലക്ഷം പേർക്ക് പരിശീലനം നടത്തി. അത്ലറ്റിക്സ് പരിശീലനത്തിന് സ്പ്രിന്റ് , ജൂഡോ പരിശീലനത്തിന് പഞ്ച്. ബാസ്ക്കറ്റ് ബോൾ പരിശീലനത്തിന് ഹൂപ്സ് തുടങ്ങി വൈവിധ്യമാർന്ന പദ്ധതികൾ. കേരളത്തിലെ മുഴുവൻ പഞ്ചായത്തുകളിലും നിലവാരമുള്ള കളിക്കളം ഒരുക്കുക ലക്ഷ്യമിട്ട് ആരംഭിച്ച ഒരു പഞ്ചായത്ത് ഒരു കളിക്കളം പദ്ധതിയുടെ ആദ്യഘട്ടത്തിൽ 124 പഞ്ചായത്തുകളിലാണ് കളിക്കളം ഒരുക്കുന്നത്. തിരുവനന്തപുരം ജില്ലയിലെ കള്ളിക്കാട് പദ്ധതി പ്രകാരമുള്ള ആദ്യ കളിക്കളം പൂർത്തിയാക്കി നാടിന് സമർപ്പിച്ചു. എട്ട് കളിക്കളങ്ങൾ കൂടി പൂർത്തിയായി. 76 കളിക്കളങ്ങളുടെ നിർമ്മാണപ്രവർത്തനങ്ങൾ പുരോഗമിക്കുന്നു.വ ട്ടിയൂർക്കാവ് ഷൂട്ടിംഗ് റേഞ്ചിൽ അക്കാദമി ആരംഭിച്ചു, തിരുവനന്തപുരം കുമാരപുരത്ത് ടെന്നീസ് അക്കാദമി തുടങ്ങി നിരവധി മികവുറ്റ പ്രവർത്തനങ്ങളാണ് നടന്നുവരുന്നത്.
