സംസ്ഥാന വ്യവസായ-വാണിജ്യ വകുപ്പ് നൽകുന്ന, കേരളത്തിലെ പൊതുമേഖലാ വ്യവസായ സ്ഥാപനങ്ങളെ ആസ്പദമാക്കിയ മികച്ച മാധ്യമ റിപ്പോർട്ടിനുള്ള അവാർഡിന് എൻട്രികൾ ക്ഷണിച്ചു. അച്ചടി-ദൃശ്യമാധ്യമങ്ങൾക്ക് പ്രത്യേകമായാണ് ബഹുമതികൾ.
2023 ഏപ്രിൽ മുതൽ 2025 മാർച്ച് വരെയുള്ള കാലയളവിൽ കേരളത്തിൽ നിന്നും പ്രസിദ്ധീകരിച്ച ഇംഗ്ലീഷ്-മലയാളം പത്രങ്ങളിലെ റിപ്പോർട്ടുകളും (Print Media Reporting), കേരളത്തിലെ വിവിധ ദൃശ്യ മാധ്യമങ്ങളിൽ രണ്ടു മിനിറ്റിൽ കുറയാതെ സംപ്രേക്ഷണം ചെയ്തിട്ടുള്ള റിപ്പോർട്ടുകളും (Visual Media Reporting) ആണ് അവാർഡിനായി പരിഗണിക്കുന്നത്. സംസ്ഥാനത്തിന്റെ വ്യവസായ വളർച്ചയും നേട്ടങ്ങളും സംബന്ധിച്ച ഏതുതരം റിപ്പോർട്ടുകളും അയയ്ക്കാം.
എൻട്രിയുടെ മൂന്ന് കോപ്പികൾ, ബയോഡാറ്റ, പത്രത്തിന്റെ ഒറിജിനൽ എന്നിവ ഉൾപ്പെടെ അയയ്ക്കണം. ദൃശ്യമാധ്യമ അവാർഡിനുള്ള എൻട്രികൾ പെൻ ഡ്രൈവിൽ സമർപ്പിക്കണം. മാധ്യമ പ്രവർത്തകർക്കും സ്ഥാപനങ്ങൾക്കും എൻട്രികൾ അയയ്ക്കാവുന്നതാണ്.
ഒന്നാം സമ്മാനം 50,000 രൂപയും ശില്പവും പ്രശസ്തിപത്രവും, രണ്ടാം സമ്മാനം 25,000 രൂപയും ശില്പവും പ്രശസ്തിപത്രവും.
സെക്രട്ടറി, കേരള മീഡിയ അക്കാദമി, കാക്കനാട്, കൊച്ചി–30 എന്ന വിലാസത്തിൽ എൻട്രികൾ ആഗസ്റ്റ് 12നകം ലഭിക്കണം. കൂടുതൽ വിവരങ്ങൾക്ക്: 0484-2422275, secretarykma.gov@gmail.com, www.keralamediaacademy.org.
അവസാനമായി അപ്ഡേറ്റ് ചെയ്തത് :05-08-2025