യുക്രയിൻ യുദ്ധ സാഹചര്യത്തില് നിന്നും വരുന്നവര്ക്കുണ്ടാകുന്ന ശാരീരിക മാനസിക പ്രശ്നങ്ങള് പരിഹരിക്കാന് പ്രത്യേക ടീമിനെ സജ്ജമാക്കി. സംസ്ഥാനത്തെ നാല് ഇന്റര്നാഷണല് എയര്പോര്ട്ടുകളിലും ഡൊമസ്റ്റിക് എയര്പോര്ട്ടുകളിലും ഇവരുടെ ആരോഗ്യ സ്ഥിതി നിരീക്ഷിക്കാന് സംവിധാനമേര്പ്പെടുത്തിയിട്ടുണ്ട്. ഇതിനായി എയര്പോര്ട്ടുകളില് ഹെല്ത്ത് ഡെസ്കുകള് സ്ഥാപിച്ചു വരുന്നു. ഇവിടെ വിദഗ്ധ ഡോക്ടര്മാരുടെ സേവനം ലഭ്യമാണ്. ആവശ്യമെങ്കില് ഇവര്ക്ക് മെഡിക്കല് കോളേജുകള് വഴിയും പ്രധാന സര്ക്കാര് ആശുപത്രികള് വഴിയും വിദഗ്ധ ചികിത്സ ഉറപ്പാക്കും.
അവസാനമായി അപ്ഡേറ്റ് ചെയ്തത് :02-03-2022
