നികുതി ചോർച്ച തടയുന്നതിനും കെട്ടിടത്തിന് വരുത്തിയ മാറ്റങ്ങൾ കണ്ടെത്തുന്നതിനും വിപുല പരിശോധന നടത്തും. നികുതി നിർണയിച്ചശേഷം കെട്ടിടത്തിന്റെ തറ വിസ്തീർണത്തിലോ ഉപയോഗരീതിയിലോ മാറ്റം വരുത്തിയാൽ ഒരു മാസത്തിനുള്ളിൽ തദ്ദേശസ്ഥാപന സെക്രട്ടറിയെ അറിയിക്കണം. ഇല്ലെങ്കിൽ 1000 രൂപയോ പുതുക്കിയ നികുതിയോ, ഇവയിൽ കൂടുതലുള്ള തുക പിഴയായി ചുമത്തും. അനധികൃത നിർമാണത്തിന് മൂന്നിരട്ടി നികുതി ചുമത്തും. 1500 ചതുരശ്ര അടിവരെയുള്ള വീടുകളെ ഇതിൽനിന്ന് ഒഴിവാക്കി. കൂട്ടിച്ചേർത്തഭാഗം ഭിത്തിയോ ഗ്രില്ലോ സ്ഥാപിച്ചുതിരിക്കാത്ത വരാന്തയോ ഷെഡോ ആണെങ്കിൽ നികുതിയില്ല. ഷീറ്റോ ഓടോ മേഞ്ഞ ടെറസ് മേൽക്കൂരക്കും ഇളവുണ്ട്.
മെയ് 15നു മുമ്പ് സ്വമേധയാ അറിയിച്ചാൽ പിഴ ഒഴിവാക്കും. വിവര ശേഖരണത്തിനും ഡേറ്റാ എന്ട്രിക്കുമായി സിവില് എന്ജിനീയറിങ് ഡിപ്ലോമ, ഐടിഐ ഡ്രാഫ്റ്റ്സ്മാന് സിവില്, ഐടിഐ സര്വേയര് എന്നിവയില് കുറയാത്ത യോഗ്യതയുള്ളവരെ നിയോഗിക്കും. പരിശോധന ജൂൺ 30നകം പൂർത്തിയാക്കും. പരിശോധന കഴിഞ്ഞ് 30 ദിവസത്തിനകം ഉടമക്ക് നോട്ടിസ് നൽകും. ആക്ഷേപമുണ്ടെങ്കിൽ 15 ദിവസത്തിനകം സെക്രട്ടറിയെ അറിയിക്കാം. കെട്ടിടം വിറ്റാൽ 15 ദിവസത്തിനകം അറിയിക്കണം. വീഴ്ച വരുത്തിയാൽ 500 രൂപ പിഴയുണ്ടാകും. പരിശോധന കഴിഞ്ഞ് 30 ദിവസത്തിനകം ഉടമയ്ക്ക് ഡിമാന്ഡ് നോട്ടിസ് നല്കും. ആക്ഷേപമുണ്ടെങ്കില് 15 ദിവസത്തിനകം സെക്രട്ടറിയെ അറിയിക്കണം. സിറ്റിസന് പോര്ട്ടലിലെ 9 ഡി ഫോമിലാണ് ആക്ഷേപം സമര്പ്പിക്കേണ്ടത്. ഇതിനായി തദ്ദേശ സ്ഥാപനങ്ങളില് ഹെല്പ് ഡെസ്ക് സൗകര്യം ഒരുക്കും. പഞ്ചായത്തുകളില് പ്രസിഡന്റ്, സെക്രട്ടറി, എഞ്ചിനീയർ എന്നിവരും നഗരസഭകളില് ഡപ്യൂട്ടി മേയര്, വൈസ് ചെയര്പഴ്സന്, സെക്രട്ടറി, എഞ്ചിനീയർ എന്നിവരും ഉള്പ്പെട്ട സമിതി പരിശോധിച്ച് 30 ദിവസത്തിനുള്ളില് തീർപ്പാക്കും.
ഉടമ അറിയിച്ചാലും ഇല്ലെങ്കിലും കെട്ടിടങ്ങളുടെ ശരിയായ വിവരം ഫീല്ഡ് ഓഫിസര്മാര് പരിശോധിച്ചു സോഫ്ട് വെയറില് ചേര്ക്കുകയും മാറ്റം വന്ന കാലം മുതലുള്ള അധിക നികുതി നിര്ണയിക്കുകയും ചെയ്യും. ഒരു തദ്ദേശസ്ഥാപനത്തിനു കീഴില് പരിശോധിക്കുന്ന കെട്ടിടങ്ങളില് 10 % കെട്ടിടങ്ങള് തദ്ദേശ സെക്രട്ടറി ചുമതലപ്പെടുത്തുന്ന ഉദ്യോഗസ്ഥര് വീണ്ടും പരിശോധിക്കും. ആദ്യ പരിശോധനയില് 25 ശതമാനത്തിലേറെ പാളിച്ച കണ്ടെത്തിയാല് മുഴുവന് കെട്ടിടങ്ങളും വീണ്ടും പരിശോധിക്കും.
അവസാനമായി അപ്ഡേറ്റ് ചെയ്തത് :24-03-2023