വികസനത്തിൽ ഒരു പ്രധാന പങ്ക് വഹിക്കുന്ന മേഖലയാണ് വിദ്യാഭ്യാസം. സ്ഥിരമായ പൊതു നിക്ഷേപം, വ്യാപകമായ സർക്കാർ-എയ്ഡഡ് സ്കൂളുകളുടെ ശൃംഖല, കൂടാതെ സമൂഹത്തിന്റെ സജീവ പങ്കാളിത്തം എന്നിവയുടെ ഫലമായി കേരളം ഉയർന്ന സാക്ഷരതയും, ഉയർന്ന തോതിലുള്ള സ്കൂൾ പ്രവേശന നിരക്കും, ചേർക്കൽ ലിംഗസമത്വവും കൈവരിക്കാൻ സാധിച്ചിട്ടുണ്ട്. പുതിയ കണക്കുകൾ പ്രകാരം ജില്ലകളിലുടനീളം സ്കൂൾ പ്രവേശന നിരക്ക് ഉയർന്ന നിലയിലാണ്. ഉയർന്ന ജനസംഖ്യയുള്ളതിനാൽ മലപ്പുറം ജില്ലയിലാണ് സ്കൂളുകളിൽ ഏറ്റവും കൂടുതൽ വിദ്യാർത്ഥികൾ പഠിക്കുന്നത്, അതേസമയം ജനസംഖ്യ കുറവായതിനാൽ പത്തനംതിട്ട പോലുള്ള ജില്ലകളിൽ പ്രവേശന നിരക്ക് താരതമ്യേന കുറവാണ്. സ്കൂളുകളിൽ പ്രവേശനം നേടുന്ന ആൺകുട്ടികളുടെ എണ്ണം പെൺകുട്ടികളേക്കാൾ അല്പം കൂടുതലാണെങ്കിലും, തമ്മിലുള്ള വ്യത്യാസം താരതമ്യേനെ കുറവാണ്. അതുകൊണ്ട് തന്നെ ലിംഗസമത്വം നിലനിൽക്കുന്നതായി കാണാം. സെക്കൻഡറി വിദ്യാഭ്യാസത്തിൽ ഏകദേശം 1 എന്ന ലിംഗസമത്വ സൂചികയും കേരളം കൈവരിച്ചിട്ടുണ്ട്. ഇത് വിദ്യാഭ്യാസത്തിൽ ആൺ പെൺ വ്യത്യാസമില്ലെന്ന് കാണിക്കുന്നു. കൂടാതെ സംസ്ഥാനത്ത് ഉയർന്ന പ്രവേശന നിരക്കും റിടെൻഷൻ നിരക്കും വളരെ കുറഞ്ഞ സ്കൂൾ ഡ്രോപ്പ് ഔട്ട് നിരക്കും രേഖപെടുത്തിയിരുന്നു. ഇത് പൊതുവിദ്യാഭ്യാസ സംവിധാനത്തിന്റെ കാര്യക്ഷമത വ്യക്തമാക്കുന്നു. ചുരുക്കിപ്പറഞ്ഞാൽ, കേരളത്തിലെ വിദ്യാഭ്യാസ മേഖല എല്ലാവരെയും ഉൾക്കൊള്ളുന്നതും എല്ലാവർക്കും സുലഭവുമായ ഒരു മാതൃകയായി നിലകൊള്ളുകയും സംസ്ഥാനത്തിന്റെ സാമൂഹിക പുരോഗതിയിലും മനുഷ്യ വികസനത്തിലും നിർണായക പങ്ക് വഹിക്കുകയും ചെയ്യുന്നു.
1. ലിംഗഭേദം അനുസരിച്ചുള്ള സാക്ഷരതാ നിരക്ക് (സംസ്ഥാന, ജില്ലകൾ അനുസരിച്ച്) 2001 & 2011
2. കേരളത്തിലെ സാക്ഷരതാ നിരക്ക് (1951–2011)
3. മൊത്തം സ്കൂൾ പ്രവേശന അനുപാതം - കേരളവും, ഇന്ത്യയും
4. സംസ്ഥാനാടിസ്ഥാനത്തിലുള്ള മൊത്ത സ്കൂൾ പ്രവേശന അനുപാതം 2024-25
5. സെക്കൻഡറി വിദ്യാഭ്യാസത്തിൽ ലിംഗസമത്വം: കേരളം സമ്പൂർണ സമത്വം കൈവരിച്ച് കേരളം
7. 2016 മുതൽ 2026 വരെയുള്ള ഉച്ചഭക്ഷണ പദ്ധതി
