ഡിജിറ്റൽ ഭരണം

വിജ്ഞാന സമ്പദ് വ്യവസ്ഥയിലേക്ക് ഡിജിറ്റൽ ഭരണം

സാങ്കേതികവിദ്യയുടെ സാധ്യതകൾ പരമാവധി പ്രയോജനപ്പെടുത്തിക്കൊണ്ട് ഭരണ സംവിധാനങ്ങളെ കൂടുതൽ കാര്യക്ഷമവും സുതാര്യവുമാക്കുന്നതിൽ സംസ്ഥാനം ശ്രദ്ധേയമായ മുന്നേറ്റമാണ് കൈവരിച്ചത്. പൊതുജനങ്ങൾക്ക് സേവനങ്ങൾ അവരുടെ വിരൽത്തുമ്പിൽ എത്തിക്കുകയും, ഡിജിറ്റൽ അടിസ്ഥാന സൗകര്യങ്ങൾ ശക്തിപ്പെടുത്തുകയും ചെയ്യുന്നതിലൂടെ രാജ്യത്തിന് മാതൃകയായ ഒരു ഡിജിറ്റൽ ഭരണം കാഴ്ചവെക്കാൻ സംസ്ഥാനത്തിന് സാധിച്ചു.

സർക്കാർ സേവനങ്ങൾ വേഗത്തിലും അനായാസമായും ലഭ്യമാക്കാൻ സഹായിക്കുന്ന ഇ-ഗവേണൻസ് സംവിധാനങ്ങൾ നടപ്പാക്കി. റേഷൻ കാർഡ്, ജനന-മരണ സർട്ടിഫിക്കറ്റുകൾ, ഭൂനികുതി അടയ്ക്കൽ തുടങ്ങി നിരവധി സേവനങ്ങൾ പൂർണ്ണമായും ഓൺലൈനായി ലഭിക്കുന്നു. കെ-സ്മാർട്ട് പോലുള്ള ആപ്ലിക്കേഷനുകൾ വഴി തദ്ദേശ സ്വയംഭരണ സ്ഥാപനങ്ങളുമായി ബന്ധപ്പെട്ട എല്ലാ സേവനങ്ങളും ഒറ്റ പ്ലാറ്റ്ഫോമിൽ ലഭ്യമാക്കാൻ നടപടികൾ പുരോഗമിക്കുന്നു.സർക്കാരിനുള്ള പണമിടപാടുകൾ കൂടുതൽ സുരക്ഷിതമാക്കാനും കാത്തിരിപ്പ് ഒഴിവാക്കാനും ഓൺലൈൻ പേയ്മെന്റ് സംവിധാനങ്ങൾ സഹായിക്കുന്നു. സബ് രജിസ്ട്രാർ ഓഫീസുകൾ ഉൾപ്പെടെയുള്ള പ്രധാന സർക്കാർ സ്ഥാപനങ്ങളിൽ ഫീസുകൾ ഓൺലൈനായി അടയ്ക്കാൻ സൗകര്യം ഒരുക്കിയത് പണമിടപാടുകളിലെ സുതാര്യത വർദ്ധിപ്പിച്ചു. തദ്ദേശ സ്വയംഭരണ സ്ഥാപനങ്ങളിലെ നികുതി അടവുകൾ ഓൺലൈനായി സ്വീകരിക്കുന്നതിലൂടെ സേവനം ലളിതമാക്കപ്പെട്ടു.

സംസ്ഥാനത്തെ എല്ലാ പൗരന്മാർക്കും കുറഞ്ഞ ചിലവിൽ അതിവേഗ ഇന്റർനെറ്റ് ലഭ്യമാക്കുക എന്ന ലക്ഷ്യത്തോടെ ആരംഭിച്ച പദ്ധതിയാണ് കെ-ഫോൺ. ഇന്റർനെറ്റ് ഒരു പൗരാവകാശമായി പ്രഖ്യാപിക്കുന്ന രാജ്യത്തെ ആദ്യത്തെ സംസ്ഥാനമായി കേരളം മാറി. എല്ലാ സർക്കാർ ഓഫീസുകളിലും വിദ്യാഭ്യാസ സ്ഥാപനങ്ങളിലും ഡിജിറ്റൽ കണക്റ്റിവിറ്റി ഉറപ്പാക്കിക്കൊണ്ട് കെ-ഫോൺ, സംസ്ഥാനത്തിന്റെ ഡിജിറ്റൽ അടിസ്ഥാന സൗകര്യം വിപ്ലവകരമായി മെച്ചപ്പെടുത്തുന്നു. ഇത് ഇ-ഗവേണൻസ് സേവനങ്ങൾ തടസ്സമില്ലാതെ സാധാരണക്കാർക്ക് ലഭ്യമാക്കാൻ സഹായിക്കുന്നു.

ഇ-ഗവേണൻസ്

ഓൺലൈൻ പേയ്‌മെന്റ് സംവിധാനങ്ങൾ

കെ-ഫോൺ

അനുബന്ധ ലേഖനങ്ങൾ

സാമ്പത്തിക വികസനം

നവകേരള നിർമ്മിതിക്ക് വേഗതയേകി സാമ്പത്തിക വികസനം സംസ്ഥാനത്തിന്റെ സാമൂഹികഘടനയ്ക്ക് അനുയോജ്യമായ രീതിയിൽ സുസ്ഥിരവും സമഗ്രവുമായ സാമ്പത്തിക വളർച്ച കൈവരിക്കാനുള്ള പ്രവർത്തനങ്ങളാണ് സർക്കാർ നടപ്പാക്കുന്നത്. പരമ്പരാഗത മേഖലകളെ നവീകരിക്കുകയും, ആധുനിക വ്യവസായങ്ങൾക്കും സേവനങ്ങൾക്കും ഊന്നൽ നൽകുകയും ചെയ്യുന്ന ഒരു സമഗ്ര വികസന നയമാണ് കേരളം പിന്തുടരുന്നത്.

കൂടുതൽ വിവരങ്ങൾ

സാമൂഹ്യക്ഷേമം

കേരളീയ സമൂഹത്തിലെ ഓരോ പൗരന്റെയും ക്ഷേമം ഉറപ്പാക്കുക എന്ന കാഴ്ചപ്പാടോടെ, ജനകീയമായ വികസനമാണ് ഈ സർക്കാർ കഴിഞ്ഞ ഒമ്പത് വർഷമായി നടപ്പാക്കിക്കൊണ്ടിരിക്കുന്നത്. ദാരിദ്ര്യം ഇല്ലാതാക്കുന്നതിനും, സാമൂഹിക സുരക്ഷ ഉറപ്പുവരുത്തുന്നതിനും, ഭവനരഹിതർക്ക് അഭയം സുരക്ഷിതമായ വീടൊരുക്കുന്നതിനും, സമൂഹത്തിലെ പാർശ്വവൽക്കരിക്കപ്പെട്ട വിഭാഗങ്ങളെ മുഖ്യധാരയിലേക്ക് കൊണ്ടുവരുന്നതിനും സർക്കാർ പ്രാധാന്യം നൽകി.

കൂടുതൽ വിവരങ്ങൾ

അടിസ്ഥാന സൗകര്യ വികസനം

അതിവേഗം മാറിക്കൊണ്ടിരിക്കുന്ന ലോകത്തിനൊപ്പം സഞ്ചരിക്കാൻ ഒരു സംസ്ഥാനത്തിന് ഊർജ്ജം നൽകുന്നത് റോഡുകൾ, വൈദ്യുതി, ജലസേചനം തുടങ്ങിയ അടിസ്ഥാന സൗകര്യങ്ങളുടെ ലഭ്യതയാണ്. കേരളത്തിന്റെ സമഗ്രമായ വികസനം ലക്ഷ്യമിട്ടുകൊണ്ട് സർക്കാർ ഈ മേഖലകളിൽ നിരവധി പദ്ധതികളാണ് നടപ്പാക്കിവരുന്നത്. കേരളത്തിലെ റോഡുകൾ ലോകോത്തര നിലവാരത്തിലേക്ക് ഉയർത്താനുള്ള ശ്രമങ്ങൾ പുരോഗമിക്കുകയാണ്.

കൂടുതൽ വിവരങ്ങൾ

വിദ്യാഭ്യാസം

അടുത്ത തലമുറയെ വിജ്ഞാനത്തിലും പഠനനിലവാരത്തിലും ഉയരങ്ങളിലേക്ക് കൈപിടിച്ചു നടത്തിക്കാനായതിന്റെ അഭിമാനത്തിലാണ് ഈ സർക്കാർ വാർഷികത്തിലേക്ക് കടക്കുന്നത്. പൊതുവിദ്യാഭ്യാസ സംരക്ഷണ യജ്ഞം സർക്കാർ സ്‌കൂളുകളെ പുനരുജ്ജീവിപ്പിച്ചു, മെച്ചപ്പെട്ട അടിസ്ഥാന സൗകര്യങ്ങളിലൂടെയും നൂതന പഠന രീതികളിലൂടെയും എല്ലാവർക്കും ഗുണമേന്മയുള്ള വിദ്യാഭ്യാസം ഉറപ്പാക്കുന്നു.

കൂടുതൽ വിവരങ്ങൾ

സുരക്ഷയും ക്രമസമാധാനവും

നവകേരളത്തിന്റെ സംരക്ഷണ കവചം സമൂഹത്തിന്റെ പുരോഗതിക്കും വികസനത്തിനും സുരക്ഷാ സംവിധാനങ്ങളുടെ കാര്യക്ഷമത അനിവാര്യമാണെന്നിരിക്കെ മാറുന്ന കാലത്തിന്റെ വെല്ലുവിളികൾക്കനുസരിച്ച് കേരള സർക്കാർ സുരക്ഷാ-ക്രമസമാധാന മേഖലയിൽ സമഗ്രമായ പരിഷ്‌കാരങ്ങൾ ആണ് നടപ്പാക്കുന്നത്. സാങ്കേതികവിദ്യയുടെ സാധ്യതകൾ ഉപയോഗിച്ച് പൗരന്മാരുടെ ജീവനും സ്വത്തിനും സംരക്ഷണം ഉറപ്പാക്കുന്നതിലൂടെ, കേരളത്തെ രാജ്യത്തിന് മാതൃകയായ ഒരു സുരക്ഷിത ഇടമായി സംസ്ഥാനം മാറിക്കഴിഞ്ഞു.

കൂടുതൽ വിവരങ്ങൾ

പരിസ്ഥിതിയും ശുചിത്വവും

പരിസ്ഥിതിസൗഹൃദവും ശുചിത്വവും; വൃത്തിയുള്ള നവകേരളത്തിന് പരിസ്ഥിതി സൗഹൃദപരമായ സമീപനത്തിലൂടെ വൃത്തിയുള്ളതും ആരോഗ്യകരവുമായ ഒരു സംസ്ഥാനമാക്കി കേരളത്തെ മാറ്റുന്നതിനുള്ള പ്രവർത്തനങ്ങളാണ് സർക്കാർ നടപ്പാക്കുന്നത്. പ്രകൃതി വിഭവങ്ങളുടെ സംരക്ഷണത്തിനും, കാലാവസ്ഥാ മാറ്റങ്ങളെ പ്രതിരോധിക്കുന്നതിനും, പൊതുജനാരോഗ്യ നിലവാരം ഉയർത്തുന്നതിനും ഈ മേഖലയിലെ പ്രവർത്തനങ്ങൾ വഴിയൊരുക്കുന്നു.

കൂടുതൽ വിവരങ്ങൾ

ആരോഗ്യം

പൊതുജനാരോഗ്യത്തോടുള്ള സംസ്ഥാനത്തിന്റെ പ്രതിബദ്ധതയുടെ തെളിവാണ് മികവുറ്റ നേട്ടങ്ങളോടെ രാജ്യത്തിന് തന്നെ മാതൃകയാകുന്ന നമ്മുടെ ആരോഗ്യ മേഖല. ആർദ്രം മിഷനിലൂടെ പൊതുജനാരോഗ്യ സ്ഥാപനങ്ങളെ രോഗി സൗഹൃദവും കൂടുതൽ പ്രാപ്യവുമാക്കി മാറ്റാൻ സർക്കാരിനു സാധിച്ചു.

കൂടുതൽ വിവരങ്ങൾ