കേരളസംസ്ഥാന ശിശുക്ഷേമ സമിതി  നവംബർ 14 ന്  പുറത്തിറക്കുന്ന ശിശുദിനസ്റ്റാമ്പിനായി  'സനാഥ ബാല്യം-സംരക്ഷിത ബാല്യം' എന്ന ആശയത്തെ ആസ്പദമാക്കി ചിത്രരചനകൾ  ക്ഷണിച്ചു. നാലു മുതൽ പ്ലസ്ടു വരെയുള്ള  വിദ്യാർത്ഥികൾക്ക് പങ്കെടുക്കാം.  ജലഛായം, പോസ്റ്റർകളർ, ക്രയോൺസ്, ഓയിൽ പെയിന്റ് ഇവയിൽ ഏതെങ്കിലും ഒന്ന് ഉപയോ​ഗിച്ച് 15x12 സെന്റീമീറ്ററിലായിരിക്കണം ചിത്രങ്ങൾ. തെരഞ്ഞെടുക്കുന്ന ചിത്രം വരച്ച വിദ്യാർത്ഥിക്ക് ശിശുദിനസ്റ്റാമ്പ് പ്രകാശന ചടങ്ങിൽ വെച്ച് പ്രശസ്തി ഫലകവും ക്യാഷ് അവാർഡും പഠിക്കുന്ന വിദ്യാലയത്തിന് റോളിംഗ് ട്രോഫിയും സമ്മാനിക്കും.  

ചിത്രരചനകൾ ജനറൽ സെക്രട്ടറി, കേരളസംസ്ഥാന ശിശുക്ഷേമസമിതി, തൈക്കാട്, തിരുവനന്തപുരം-14 എന്ന വിലാസത്തിൽ തപാലായോ നേരിട്ടോ  ലഭ്യമാക്കണം. വിദ്യാർത്ഥിയുടെ പേര്, ക്ലാസ്സ്, വയസ്സ്,  വീടിന്റേയും സ്‌കൂളിന്റേയും ഫോൺ നമ്പരോട് കൂടിയ  മേൽവിലാസം എന്നിവ ചിത്രത്തിന്റെ പിറകുവശത്ത് എഴുതി പ്രിൻസിപ്പാൾ/ഹെഡ്മാസ്റ്റർ/ഹെഡ്മിസ്ട്രസ്സ് മുദ്ര പതിപ്പിച്ച്‌ സാക്ഷ്യപ്പെടുത്തണം. കവറിനു പുറത്ത് ശിശുദിനസ്റ്റാമ്പ്-'സനാഥ ബാല്യം-സംരക്ഷിത ബാല്യം' എന്ന്‌ രേഖപ്പെടുത്തണം. 
അവസാന തീയതി ഒക്ടോബർ 31.

അവസാനമായി അപ്ഡേറ്റ് ചെയ്തത് :14-10-2025